گیرانی ٧٧ پشتیوانی فەلەستین لە لەندەن
کانونی دوھەم 19, 2025 18:16 Asia/Tehran
پۆلیسی لەندەن لە درێژەی سیاسەتی سەرکوتکارانەی دژ بە پشتیوانانی فەلەستین زیاتر لە ٧٠ خۆپیشاندەری قۆڵبەست کرد.
ئەم خۆپیشاندانە کە بۆ ناڕەزایەتی دەربڕین بەرامبەر بە داکۆکییەکانی ئینگلیز لە ڕژێمی زایۆنی بەڕێوە چوو بەرەوڕووی سەرکوتکردنی قورس لە لایەن پۆلیس بوویەوە. خۆپیشاندەران ناڕازایەتییان دەربڕی بەرامبەر بە بەردەوام بوونی پەلامارەکانی ڕژێمی زایۆنی بەڵام پۆلیس پێشگری کرد لە بەردەوامبوونی ئەو کۆبوونەوەیە. ٧٧ کەسیش بە تۆمەتی بنپێکردنی یاسا و ڕێساکانی کۆبوونەوە، تێکدانی نەزمی گشتی و هەروەها خۆڕاگری بەرامبەر بە هێزی پۆلیس قۆڵبەست کران، ئەوە لە کاتێکدایە کە گرتنی ئەو خۆپیشاندەرانە کاردانەوەیەکی بەربڵاوی بە دواو بووە.
