بێڕێزی بە قورئان لەلایەن بەربژارێکی هەڵبژاردنەکانی کۆنگرێسی ئەمریکاوە
ئاب 26, 2025 18:51 Asia/Tehran
بەربژارێکی هەڵبژاردنەکانی کۆنگرێسی ئەمریکا بۆ راکێشانی سەرنجی گرووپەکانی ڕاستی تووندئاژۆی ئەم وڵاتە، بێڕیزی کرد بە کتێبی پیرۆزی موسڵمانان.
"ڤالینتینا گۆمێز" بەربژاری کۆماریخوازی هەڵبژاردنەکانی کۆنگرێسی ئەمریکا لە تێگزاسەوە، لە هەنگاوێکی برەوپێدەری ڕق و بێزاری، ڤیدیۆیەکی لە خۆی بڵاو کردەوە لە تۆڕی کۆمەڵایەتیی ئیکس کە لەو گرتەیەدا خەریکی ئاوربەردانە قورئانی پیرۆزە. ئەم کەسەی دژبەری ئیسلام کە پێشینەی داکۆکی لە دۆناڵد ترەمپی سەرۆک کۆماری ئەمریکایشی لە کارنامەی چالاکیی سیاسییەکانیدا هەیە، بانگەشەی ئەوە کردووە کە موسڵمانان بەنیازی دەسگرتن بە سەر وڵاتانی مەسیحیدان.
