محەمەد شەیاع سودانی سەرۆك وەزیرانی عێراق پەیامێكی ئاراستەی بەرپرسانی هەرێمی كوردستانی عێڕاق كردووەو دڵنیایداوە لەوەی بەغدا پابەندی رێككەوتنەكانییەتی لەگەڵ هەرێم.

رۆژنامەی عەرەبی جەدید لە زاری بەرپرسێكی پارتی دیموكرات بەبێ‌ ئەوەی ناوی بهێنێت بڵاویكردووەتەوە، سودانی پەیامی گەیاندووەتە حکومەتی هەرێم و دڵنیایی داوە بەبارەت بە جێبەجێكردنی رێككەوتنەكانی نێوان هەولێرو بەغدا.

بەرپرسەكە راشیگەیاندووە، سودانی لە پەیامەكەیدا جەختی لەوەش كردووەتەوە، هەوڵدەدات ئەو دۆخەی ئێستا لەنێوان هەولێرو بەغدا هەیە هێور بكاتەوەو كار بۆ جێبەجێكردنی رێككەوتنەكان بكات.