تێکدرانی قاڵدرمەیەکی مێژوویی لە نزیکی مزگەوتی ئەقسا
شارەوانیی قودسی داگیرکراوی ژێر ڕکێفی زایونییەکان، قاڵدرمەیەکی مێژوویی تێک دا کە بە مزگەوتی ئەقسادا دەچووە خوارەوە .
بە پێی ڕاپۆرتی قودسی عەرەبی، کارگێڕانی شارەوانیی قودسی داگیرکراو ڕۆژی یەکشەممە بە بێ ھیچ ڕوون کردنەوەیەک بە شۆفەڵ ھێرشیان کردە سەر ناوچەی «بابولعەسبات» و ئەو قاڵدرمەیەیان کە دەچووەوە سەر مەزارگەی شەھیدانی موسڵمان و لە ڕیزی ناوچە گەشتیارییەکانی ئەم ناوچەیە دەھاتە ئەژمار، تێک و پێک دا.
«موستەفا ئەبو زەھرا» سەرۆکی لێژنەی چاودێری لە گۆڕستانە ئیسلامییەکان لە بەیتولموقەددەس ئامانجی ئەم ھێرشەی زایونییەکانی بۆ ڕاپەڕاندنی بەرنامەیەک بە ناوی « باخە تەوراتییەکان» لە زەویی مەزارگەی شەھیدان گەڕاندەوە کە گڵکۆی سەربازە بێ ناوونیشانەکانی تیادایە.
«ئەبوزەھرا» داوای لە تەواوی خەڵکی بەیتولموقەددەس کرد کە پێکەوە یەک بگرن و لە ناوچە جێی سەرنجەکانی ئەم شارەو ھێماکانی لە بەرامبەر ستەم و سەرەڕۆیی داگیرکەراندا پاسەوانی بکەن.
بە وتەی کارناسانی ئاسەوارە کۆنەکان ، ڕژێمی زایونی بەو کارانەی بەتەمایە شوناسی ئیسلامی و عەرەبی لە فەلەستین دا بسڕێتەوە.
