ئیمبراهیمۆڤیچ بەشداری جامی نەتەوەکانی ئەوروپا ناکات
May 17, 2021 15:33 Asia/Tehran
یان ئەندێرسۆن ڕاهێنەری هەڵبژاردەی سوید ڕایگەیاند، بەهۆی پێکانەوە زالاتان ئیبراهیمۆڤیچی یاریزانی هەڵبژاردەی سوید ناتوانێت بەشداری یارییەکانی جامی نەتەوەکانی ئەوروپا بکات.
لەلێدوانەکانیدا بۆ پێگەی فوتبۆڵ سپۆرتی ئیتاڵی ئەندێرسۆن وتی:"بەداخەوە پێیانڕاگەیاندم کە پێکانەکەی ئیبراهیمۆڤیچ سەختەو ناتوانێت ئەم هاوینە بەشداری جامی نەتەوەکانی ئەوروپا بکات".
وتیشی:"نیگەرانین کە ئەو یاریزانەمان لەگەڵدا نابێت، بۆ ئەوو ئێمەیش دۆخێکی ناخۆشە".لەکۆتاییدا وتی:"هیوادرام لەنزیکترین کاتدا ئیبراهیمۆڤیچ بگەڕێتەوە نێو یاریگاکان".
هەفتەیەک پێش ئێستا ئیبراهیمۆڤیچی 39 ساڵی یاریزانی یانەی ئەی سی میلان توشی پێکان بوو، پزیشکانی یانەکە ڕایانگەیاند، پێویستی بەچەند هەفتەیەک هەیە تاکو چارەسەر وەربگرێت.
