درەوشانەوەی منداڵانی ھونەرمەندی ئێرانی لە ئۆلەمپیادی ھونەریی ئەمریکا
ته‌مووز 11, 2021 10:55 Asia/Tehran
منداڵانی ھونەرمەندی ئێرانی توانییان لە شەشەمین ئۆلەمپیادی ھونەریی دامەزراوەی نێونەتەوەیی ھونەری منداڵ لە واشێنگتۆنی ئەمریکا خەڵات وەربگرن.
بە پێی ڕاپۆرتی ڕادیۆوتەلەفزیۆنی ئێران، ئەم ئۆلەمپیادە بە تەوەرەی «ھونەرو وەرزش» لە ساڵی ٢٠٢٠ بەرپاکراو لە لایەن مەکۆی پەروەردە کردنی ھزری منداڵانی ئێرانەوە ١٥ بەرھەم ڕەوانە ئەم کێبەرکێیانە کرا.
«سەوگوڵ فەتاحی» ۱۲ ساڵان، «راستین جافری» ۸ ساڵان و «هەستی عابیدی» ٩ ساڵان توانییان لە شەشەمین ئۆلەمپیادی ھونەریی دامەزراوەی نێونەتەوەیی ھونەری منداڵ لە واشێنگتۆنی ئەمریکا خەڵات وەربگرن.
ھەروەھا «عەلی غوڵامی» ١٢ ساڵان و «حوسنا ئەسکەندەری» ٩ ساڵانیش ئەندامانی دیکەی مەکۆی پەروەردە کردنی ھزری منداڵانی ئێرانن کە لەم ئۆلەمپیادە خەڵاتیان بردووەتەوە.
