هەڵوەشانەوەی کێبەرکێی تیپی نیشتیمانیی رۆرانی ئازادی ئێران لەگەڵ ئەمریکا
سەرۆکی فیدراسیۆنی زۆرانی ئێران وتی: کێبەرکێی تیپە نیشتیمانییەکانی رۆرانی ئازادی ئێران و ئەمریکا بەڕێوە ناچێت.
بە پێی ڕاپۆرتی ڕۆژی پێنج شەممەی ئیرنا،(عەلیڕەزا دەبیر) سەرۆکی فیدراسیۆنی زۆرانی ئێران لە نامەیەک دا بۆ(بوریس بومگارتێنز) سەرۆکی فیدراسیۆنی زۆرانی ئەمریکا ڕایگەیاند: لە بەر دەرنەکرانی ڤیزەی 6 کەس لە ئەندامانی تیپی نیشتیمانیی زۆرانی ئێران، ئەم تیپە سەردانی ئەمریکا ناکات.
لە درێژەی نامەکەی (دەبیر) بۆ سەرۆکی فیدراسیۆنی زۆرانی ئەمریکادا هاتووە: تیپی نیشتیمانیی زۆرانی کۆماری ئیسلامیی ئێران لە بەر نەدرانی ڤیزە بە 6 کەس لە وەرزشوانانی ئەم تیپە، لە کردەوەدا هەلی ئامادە بوون و بەشداری لە کێبەرکێی دۆستانە لەگەڵ تیپەکەی ئەمریکای بۆ ناڕەخسێت.
دەرنەکرانی ڤیزە لە لایەن کاربەدەستانی وڵاتی ئەمریکا سەرباری خۆشکرانی هەموو بەستێنێک لە لایەن ئەندامانی تیپەکەی ئێران و ئاراستەکردنی بەڤگەی پێویست و پێ و شوێنگرتنی بەردەوام ڕووی داوە.
کێبەرکێی دۆستانەی تیپە نیشتیمانییەکانی رۆرانی ئازادی ئێران و ئەمریکا بڕیار بوو 12ی فڤریە لە زەویی «گلاوب لایف» لە «ئارلبنگتۆن»ی تەگزاس بەڕێوە بچێت.
