برینداربوونی 16 کەس لە تەقینەوەکانی میسر
May 20, 2019 08:40 Asia/Tehran
سەرچاوە ئاسایشیەکان لە میسر باسی تەقینەوەی بۆمبێک دەکەن لەسەر رێگەی تێپەڕینی پاسێکی گەشتیاریی و بریندار بوونی 16 کەس .
بە پێی راپۆرتی رۆژی یەکشەممەی کەناڵی ئەلجەزیرە ، سەرچاوە ئاسایشیەکانی میسری راپۆریاندا لە ئەنجامی تەقینەوە لە پاسێکی گەشتیاریی لە بەرامبەر مۆزەی گەورەی میسر هەڵکەوتوو لە پارێزگەی ئەلجیزە ، لانیکەم 16 کەس بریندار بوون .
بە گوێرەی ئەم راپۆرە ، زۆربەی بریندارانی ئەم روداوە ، لە کەسانی بیانین . وردەکاریی زیاتری ئەم هەواڵە بڵاونەبووەتەوە .
میسر لە ساڵانی رابردوودا بە تایبەتی دوای روخانی حکومەتی محەممەد مورسی لە لایەن ئەرتەشی ئەم وڵاتەوە لە ساڵی 2013 ، رووبەڕووی زیادبوونی نائەمنی و پەلاماری تیرۆریستیی بووە .
