ئەردۆغان داوای ئاسایی بوونەوەی پێوەندی لە گەڵ سعودی دەکات
سەرۆکی تورکیا لە وتووێژێکی تەلەفۆنی دا لە گەڵ پادشای عەرەبستان خوازیاری ئاسایی بوونەوەی پێوەندیی نێوان ئانکارا و ریاز بوو .
بە پێی راپۆرتی ئیسنا ، رەجەب تەییب ئەردۆغان سەرۆکی تورکیا لە پێوەندیەکی تەلەفۆنی دا لە گەڵ سەلمان بن عەبدولعزیز ھەروەھا پەرەپێدانی پوەندی دوو قۆڵی بە پێی بەرژەوەندیی ھاوبەشی تاووتوێ کرد .
ئەوە لە کاتێکدایە کە لە چەند مانگی رابردوودا ئانکارا ھەوڵی خۆی بۆ چاککردنی پێوەند ی لە گەڵ وڵاتانی ناوچەکە لەوان عەرەبستان و میسر توند کردووە .
لە مانگی حوزەیرانی ئەم ساڵ دا ئەردۆغان خوازیاری پێوەندی بردنەوە- بردنەوە نێوان وڵاتەکەی و میسر و وڵاتانی عەرەبی لێواری کەنداوی فارس ببوو .
پێوەندی نێوان عەرەبستان و تورکیا بە ھۆی پشتیوانیی ئانکارا لە قەتەر لە ناکۆکیی نێوان دوو وڵاتی لێواری کەنداوی فارس تێکچوو و لە پاشان بە تیرۆری جەمال خاشوقچی نووسەر و رۆژنامەوانی رەخنەگری سعودی کێشەکە گەیشتە قەیران .
دوای ئەوە بایکۆتی تیجاریی بەرھەمەکانی تورکیا لە عەرەبستان لە ئوکتبری رابردووەوە دەستپێبوو و کاریگەری خراپی دانا لەسەر ھەناردەی تورکیا بۆ ئەم وڵاتە .
