شەھید کرانی کچێکی فەلەستینی بە زەبری گوللەی لەشکریانی زایونی
لەشکریانی زایونی کچێکی فەلەستینییان بە بیانووی ئەنجام دانی ھەڵمەتی خۆبەختکارانە لە باشووری کەرتی ڕۆژئاوای چۆمی ئۆردۆن شەھید کرد.
بە پێی ڕاپۆرتی ھەواڵدەریی فارس، سەرچاوە فەلەستینییەکان بەیانیی ئەمڕۆ چوارشەممە ڕایانگەیاند: کچێکی فەلەستینی بە زەبری گوللـەی لەشکریانی زایونی لە نزیکی ئوردوگای «ئەلعروب» لە باکووری ئەلخەلیل شەھید کراوە.
بە پێی ئەم ڕاپۆرتە، لەشکریانی زایونی بە بیانووی ئەنجام دانی ھەڵمەتی خۆبەختکارانە تەقەیان لەم کچە کردووە.
مانگی سووری فەلەستین ڕایگەیاند: ھێزەکانی ڕژێمی زایونی ڕێگر بوون لە بەردەم گەییشتنی پزیشکان بە شوێنی ڕووداوەکەو لە ئەنجام دا کچە فەلەستینییەکە بە ٢٠ خولەک دواکەوتن گەییشتە نەخۆشخانەو شەھید بوو.
نووسینگەی کاروباری دلە فەلەستینییەکان لە بەیاننامەیەک دا ڕایگەیاندووە، ئەم کچە ناوی «غەفران وراسنە»و لەو دیلانەیە کە لە بەندیخانەکانی ڕژێمی زایونی ئازاد کراوە.
