شاڵاوی مووشەکیی تازە لە لوبنانەوە بەرەو فەلەستینی داگیرکراو
حیزبوڵڵای لوبنان سەرلەبەیانی ئەمڕۆ ڕایگەیاند؛ دوو پێگەی سەربازیی لە باکووری فەلەستینی داگیرکراو پێکاوە.
لە بەیاننامەکەی حیزبوڵڵادا هاتووە: لەم هێرشانەدا دوو ماڵمان لە شارۆچکەکانی «ئاویویم» و «دوڤیۆ» پێکاوە کە هێزی سەربازیی دوژمنی زایۆنییان تێدا سەقامگیر ببوو.
خۆڕاگریی ئیسلامیی لوبنان هەروەها راشیگەیاند چەندین مووشەکی هاویشتووە بەرەو مۆڵگە و شوێنی کۆبوونەوەی هێزە زایۆنییەکان لە شارۆچکەکانی «دوفیف» و «ئەفیفیم» لە باکووری فەلەستینی داگیرکراو .
خۆڕاگریی ئیسلامیی حیزبوڵڵا ڕایگەیاند کە لە کاردانەوە بە کوشتارەکەی جنین، بە دەیان مووشەکی کاتیوشا هێرشی کردۆتە سەر شارۆچکەی "مارگلیۆت". میدیا سەربازییەکانی سەر بە خۆڕاگریی ئیسلامیی لوبنانیش ڕایانگەیاندووە کە تا ئێستا و لە ماوەی دووسەد ڕۆژدا ، هەزار و نۆسەد و نەوەد و هەشت هەڵمەت لە بەرەکانی پشتیوانیی لوبنان، یەمەن و عێراق بەڕێوەچووە.
