هێرشی هێزە چەکدارەکانی یەمەن بۆ سەر پاپۆڕی ئەمریکایی لە دەریای سوور
وتەبێژی هێزە چەکدارەکانی یەمەن ڕایگەیاند کە هێزەکانی ئەم وڵاتە بە بەکارهێنانی مووشەک و فڕۆکەی بێفڕۆکەوان هێرشیان کردووەتە سەر پاپۆڕە بیانییەکان لە دەریای سوور لەوان کۆپاپۆڕی فڕۆکەهەڵگری ئەمریکایی ترۆمەن.
یەحیا سەریع، وتەبێژی هێزە چەکدارەکانی یەمەن ڕایگەیاند: ئەم هێرشە سێیەمین هێرشە بۆ سەر کەشتییە بیانییەکان لە ماوەی ٢٤ کاتژمێری ڕابردوودا و هێرشی هێزەکانی یەمەن بۆ سەر کەشتییەکانی ئەمریکا لە ناوچەکە بە تەوژمێکی زیاتر بەردەوام دەبێت.
شەوی ڕابردوو هێزەکانی یەمەن شازدەهەمین فڕۆکەی بێفڕۆکەوانی پێشکەوتووی ئەمریکاییان لە پارێزگای مەئاریب خستە خوارەوە.
هێزە چەکدارەکانی یەمەن ڕایگەیاندووە کە ئەمە شانزەهەمین فڕۆکەی بێفڕۆکەوانی پێشکەوتووی ئەمریکایی مۆدیلی MQ9 بوو کە لەلایەن هێزی بەرگریی ئاسمانیی یەمەنەوە و لەچوارچێوی ئۆپەراسیۆنی "فتح موعود و جهادِ مقدس" بۆ پشتیوانی لە غەززە لەلایەن بەرگری ئاسمانیەوە خراوەتە خوارەوە.
لە هەمان کاتدا فڕۆکە جەنگییەکانی ئەمریکا لە درێژەی دەستدرێژیان بۆ سەر خاکی یەمەن پارێزگای حەججەیان لە باکووری ڕۆژهەڵاتی ئەم وڵاتە بۆردومان کرد. لەم بۆردومانەدا، شاری وەشحە لە پارێزگای حەججە هەڵکەوتوو لە باکووری ڕۆژهەڵاتی ئەم وڵاتە سێ جار لەلایەن ئەمریکاوە هێرشی کرایە سەر. ئەمریکا لە پەلاماردانی شاری وەشحەدا بنکەیەکی تەندروستی و خوێندنگەیەکی ئەم شارەی بۆدرومان کرد.
هەروەها ژێدەرە هەواڵییەکانی ئەنساروڵڵا رایانگەیاندووە کە لە پەلاماری ئەمریکا بۆ سەر پرۆژە و باڵاخانەی ئاوی حودەیدە لە ڕۆژاوای یەمەن جگە لەوەی زەبری قورس لەم پرۆژە و باڵاخانەیە کەوتووە، چەند کەسیش شەهید و بریندار بوون.
