تەقینەوەیەک لە پارێزگەی "ئەدلیب"ی سووریا
تەقینەوەیەک لە پارێزگەی "ئەدلیب"ی باکووری ڕۆژئاوای سووریا لانیکەم دوازدە کوژراوی لێ کەوتەوە .
بەپێی ڕاپۆرتی ڕۆژی شەممەی هەواڵدەریی مێهر بە گێڕانەوە لە ماڵپەڕی نەشرە، ئەم تەقینەوەیە لە نیزیکی نەخۆشخانەیەک ڕووی دا و بەهۆیەوە دەیان کەسیش بریندار بوون .
هەرلەم حاڵەدا سەرچاوەیەکی سەربە فەرماندەیی پولیسی دیمەشق ڕوژی شەممە ڕایگەیاند تاقمە تیرۆریستییەکان بە شازدە راکێت ناوچەکانی ئاوەدان لە دیمەشقیان دایە بەر پەلامار کەلەم پەلامارەدا چوار کەسی سیڤیل کوژران و نۆ کەسیش بریندار بوون.
لەلایەکی دیکەوە ئۆپراسیۆنی وەدەرنانی تیرۆریستان لەگەڵ بنەماڵەکانیان لەشاری حەرەستا لە غووتەی ڕوژهەڵاتی دیمەشق کۆتایی پێهات و ئەم کەسانە گوێزرانەوە بۆ ئەدلیبی سوریا.
بە ئازاد بوونی شاری حەرەستا ، سوپای سوریا و هاوپەیمانانیان توانیان زورتر لە سەتی نەوەتی غووتەی ڕۆژهەڵاتی ئازاد بکەن.