ئەفریقای باشوور تیرۆری زانستوەری ناڤۆکیی ئێرانی مەحکومکرد
تشرینی دووه‌م 29, 2020 00:11 Asia/Tehran
وەزیری دەرەوەی ئەفریقای باشوور تیرۆری شەھید موحسین فەخری زادە زانستوەری ھەڵکەوتەی ناڤۆکیی بەرگریی ئێرانی شەرمەزار کرد .
بە پێی راپۆرتی ھەواڵدەریی فارس ، نالدی پاندۆر وەزیری دەرەوەی ئەفریقای باشوور بە ئاماژە بە تیرۆرەکانی پێشووی شارومەندانی ھەڵکەوتەی ئێرانی لە ساڵی 2020 دا گوتی ، کوشتنی ئامانجداری ئێرانیەکان نابێتە ھۆی ئاشتی ، بەڵکوو ئاڵۆزیەکانی ناوچەکە زیاتر دەکات و ئەنجامدەرانی ئەمجۆرە کارانە دەبێ دادگایی بکرێن .
موحسین فەخری زادە دوانیوەڕۆی ھەینی لە ناوچەی ئابسەردی دەماوەند لە نزێک تاران تیرۆر و شەھید کرا .
بەر لەوە کاربەدەستانی رێکخراوی نەتەوەکان ، یەکیەتی ئەوروپا و کەسایەتیە سیاسی و نێودەوڵەتیەکان و ھەروەھا چەندین وڵاتی جیھان تیرۆری موحسین فەخری زادەیان مەحکوم کردووە .
