نەیارەتیی ئەورووپا لەگەڵ دانوستانی دووبارە لە بارەی برگزیتەوە
حوزه‌یران 11, 2019 19:32 Asia/Tehran
وەزیری کاروباریی ئەورووپایی ئاڵمانیا جەختی کرد: یەکێتیی ئەورووپا لەگەڵ دانوستانی دووبارە لە بارەی برگزیتەوە نەیارەتیی دەربڕی.
(میخائیل ڕوت) وەزیری کاروباریی ئەورووپایی ئاڵمانیا ڕۆژی سێ شەممە لە وتووێژێکدا لەگەڵ هەواڵدەریی ڕۆیتێرز وتی: فەرق ناکات کێ سەرۆک وەزیرانی بریتانیا بێت، لە هەر حاڵدا یەکێتیی ئەورووپا ئامادە نییە دانوستانێکی تازە بکات لە بارەی ڕێککەوتنی برگزیتەوە.
ئەمە لە کاتێکدایە کە برۆکسێڵیش پێشتر ڕایگەیاند بوو، لە بارەی ڕێککەوتنی برگزیتەوە کە لە ساڵی 2018 لەگەڵ تیرێزامای سەرۆک وەزیرانی لەکار کشاوەی بریتانیا واژۆ کراوە، یان هەر ڕێککەوتنی بازرگانیی دیکە لەگەڵ ئەو وڵاتە بەبێ ئەوەی باجی ئەو دابڕانەی لە سەر بکەوێت، جارێکی تر دانوستان ناکات و پاڵێوراوانی جێگرەوەی تێرێزامای دەبێ ئەم بابەتەیان لەبیر نەچێت.
