له ڕۆژێکدا 900 کەس لە هەرێمی کوردستان تووشی کۆڕۆنا بوون
تشرینی دووه‌م 09, 2020 17:14 Asia/Tehran
وەزارەتی تەندروستی هەرێمی کوردستان ڕایگەیاند: لە ماوەی شەو و ڕۆژی ڕابردوودا 900کەس تووشی کۆرۆنا بوونە.
وەزارەتی تەندروستی هەرێم رایگەیاند: لە دوێنێوە 6099 پشکنینی تایبەت بە کۆرۆنا ئەنجامدراوە و لە ئەنجامدا 900 توشبوی نوێی ڤایرۆسەکە دەسنیشانکراون.
وتیشی، لەماوەی 24 کاتژمێری رابردودا 24 هاوڵاتی دیکەی توشبوی کۆرۆنا گیانیان لەدەستداوە و 275 کەسی دیکەش چاکبونەتەوە.
وەزارەتی تەندروستی هەرێم ئاماژەی بەوەشکردوە، تاکوو ئێستا لە هەرێم 85 هەزار و 63 توشبووی کۆرۆنا تۆمارکراون، لەو ژمارەیەش 2682 کەس گیانیان لەدەستداوە و 52 هەزار و 771 کەسیش چاکبونەتەوە.
