تەقینەوەی ئۆتۆمبێلێکی بۆمبڕێژکراو لە شاری عەفرین
سەرچاوە میدیاییەکان باسی تەقینەوەی ئۆتۆمبیلێکی بۆمبڕێژ کراو لە شاری عەفرینی سووریادەکەن .
بە پێی هەواڵی مێهر بە گێڕانەوە لە سانا، ئەمڕۆ شەمە لە دەڤەری پارێزگای حەلەبی سووریا تەقینەوەیەک ڕووی داوە. ئەم ڕووداوە بە هۆی تەقینەوەی ئۆتۆمبێلیکی بۆمبڕێژ کراو لە شاری عەفرینی سووریا لە دەڤەری پارێزگای حەلەب بوو.
بە پێی ئەم ڕاپۆرتە، وتراوە کە ئەم ئۆتۆمبیلە لە شوێنێک کە تایبەت بە جێگیربوونی گرووپە چەکدارەکانی پێوەندیدار بە تورکیا بووە، تەقیوەتەوە.
تا ئێستا زانیارییەک سەبارەت بە خەسارەکانی ئەم ڕووداوە بڵاو نەکراوەتەوە.
هەندێ سەرچاوەش ڕایانگەیاندووە کە تەقینەوەی ئۆتۆمبێلی بۆمبڕێژکراو لە شاری عەفرین، ژمارەیەک کوژراو و برینداری لێ کەوتۆتەوە بەڵام میدیا فەرمییەکان تا ئێستا ئەم هەواڵەیان پشت ڕاست نەکردووەتەوە .
تا ئێستا هیچ گرووپێک بەرپرسایەتی ئەم تەقینەوەی لە ئەستۆ نەگرتووە.
