کشانەوەی تورکیا لە ئیدلەبی سووریا تەوەرەی وتووێژەکانی نێوان پوتین و ئەردوغان
ئه‌یلوول 22, 2021 18:10 Asia/Tehran
سەرۆک کۆمارانی ڕووسیاو تورکیا لە بارەی کشانەوەی ھێزەکانی ئەم وڵاتە لە ئیدلەبی سووریا وتووێژ دەکەن.
بە پێی ڕاپۆرتی ھەواڵدەریی ئیرنا، مۆیکۆ وێڕای ئاماژە کردن بە داڕشتنی بەرنامە لەمەڕ گەشتی ئەردوغانی سەرۆک کۆماری تورکیا بۆ ڕووسیا ڕایگەیاند: «ڤلادیمیر پوتین» سەرۆک کۆماری ڕووسیا و ھاوتا تورکەکەی لە بارەی پەیوەندیی دوو قۆڵی و دۆسیەی سووریا وتووێژی دەکەن.
«دیمیتری پسکوف» وتەبێژی کۆشکی کرملین وتی: سەرکردەکانی ھەردووک وڵات لە بارەی سووریاو کێشەکانی دیکەی ناوچەکە قسە دەکەنو
بەرواری ڕێکی ئەم گەشتە ڕانەگەیەندراوە. بەڵام بە قسەی کاربەدەستێکی تورکیا کە نەیویست ناوی ئاشکرا بکرێت، ئەردوغان کۆتایی ئەم مانگە سەردانی ڕووسیا دەکات و کشانەوەی سوپای تورکیا لە ئیدلەب سەرەکی ترین تەوەرەی دیداری سەرکردەکانی ھەردووک وڵات لە سوچی دا دەبێت.
