کوژرانی سێ کەسی سڤیلی سووری لە ھێرشی سوپای تورکیا
تشرینی دووه‌م 10, 2021 09:08 Asia/Tehran
ھێرشی درونێکی سوپای تورکیا لە باکووری ڕۆژھەڵاتی سووریا کوژرانی سێ کەسی سڤیلی سووریی لە شاری قامیشلی لێ کەوتەوە.
بە پێی ڕاپۆرتی شەفەق نیوز، درونێکی سوپای تورکیا ڕۆژی سێ شەممە وێڕای کردنە ئامانجی ترۆمبیلێک لە گەڕەکی «ھیلالیە»ی شاری قامیشلیی سووریا بووە ھۆی کوژرانی سێ کەسی سڤیلی سووری.
ئەم ھێرشە لە ھەل و مەرجێکدایە کە لە ماوەی حەواەکانی ڕابردوو دەنگ و باسی نیازی سوپای تورکیا بۆ پەلاماردانی باکوورو باکووری ڕۆژھەڵاتی سووریا دژی چەکدارانی کورد بڵاو ببووەوە.
سوپای تورکیا نۆھەمی ئۆکتۆبخری ساڵی ٢٠١٩ بە بیانووی خەباتی دژی تیرۆریزم و پاکتاوکردنی سنووری سووریاو تورکیا لە بوونی کوردانی نەیاری دەوڵەتی ئانکارا دزەی کردە نێو خاکی سووریاوە.
