پەلاماری ڕژێمی زایۆنی بۆ سەر دەڤەری حومسی سوریا
تشرینی یه‌که‌م 31, 2024 19:46 Asia/Tehran
فڕۆکە جەنگییەکانی ڕژێمی زایۆنی دەستیان دایە بۆردومانی حومس هەڵکەوتوو لە ڕۆژاوای سوریا.
فڕۆکە جەنگییەکانی ڕژێمی داگیرکەری ئیسراییل ئەمڕۆ پێنجشەممە ژمارێک لە گەڕەکەکان و بینا و باڵاخانە ئاوەدانەکان و ناوچە پیشەسازییەکانی ڕۆژهەڵاتی "ئەلقەسیر"یان لە دەڤەری حومس هەڵکەوتوو لە ڕۆژاوای سوریا بۆردومان کرد.
ژمارێک لە میدیاکانی سوریا باسی کوژرانی دوو کەس و بریندار بوونی دوو کەسی دیکەیان کردووە.
دەسدرێژییە سەربازییەکانی ڕژێمی ژینۆسایدکاری زایۆنی بۆ سەر خاکی سوریا لە کاتێکدایە کە دیمەشق بەجاران بە ناردنی نامە بۆ ڕێکخراوی نەتەوە یەکگرتووەکان و ئەنجومەنی ئاسایش بە شەرمەزار کردنی ئەم پەلامارانە، خوازیاری کۆتایی هاتنیان بووە.
