کوژرانی 10 کەس لە سووریا لە 24 کاتژمێری ڕابردوودا ،هەزاران پەنابەری سووری گەڕانەوە بۆ وڵاتەکەیان
لە درێژەی ئاڵۆزییەکان لە سووریا لە 24 کاتژمێری ڕابردوو دا دە هاووڵاتی دیکەی سووریایی کوژراون
لە ماوەی بیست و چوار کاتژمێری ڕابردوودا لانیکەم دە کەس بۆ وێنە ژنان ، منداڵان و کەسانی مەدەنی بە دوای تێکهەڵچوونە چەکدارانەکان تەقینەوەی مین و توندوتیژییە بنەماڵەییەکان لە ناوچە جوراوجورەکانی سووریا گیانیان لەدەس دا . چاودێری مافی مڕۆڤی سووریا لە ڕاپوڕتێکدا ڕایگەیاند لە دەڤەری حومس لاوێک لە لایەن کەسانی چەکداری نەناسراو کوژراو کەسێکی دیکەش لەناوچەی باروحە گیانی لەدەس دا . لە گەڕەکی ئەلنازحینی حومسیش باوکێک و کوڕەکەی کەوتنە بەر پەلاماری کەسانی نەناسراو و گیانیان لە دەس دا . لە دەیر ئەلزویش لاوێک بە هۆی تەقینەوەی مین گیانی لەدەسدا .هەروەها لە دەڤەری باکووری ڕەقەش ژنێک هاوڕێ لە گەڵ دوو منداڵەکەی لە تەقینەوەی میندا گیانیان لە دەسدا . لە نزیکی شاری ئەلباب منداڵێک بە هۆی تەقینەوەی بومب گیانی لەدەس دا . بە پێی هەواڵێکی دیکە مازن عەلوش وتەبێژی ڕێکخراوی گشت بازگە زەوینی و دەریاییەکانی سووریا ڕایگەیاند کە لە دیسامبر 2024 وە تا ئێستا زیاتر لە 400 هەزار کەس لە پەنابەرانی سووری لە وڵاتانی دراوسێیەوە گەڕاونەتەوە بۆ وڵاتی خۆیان .
