ئێران پەلاماری زایۆنیەکان بۆسەر مزگەوتی ئەقسای شەمەزار کرد
وتەبێژی وەزارەتی دەرەوەی ئێران ، پەلاماری زایۆنیەکان بۆسەر مزگەوتی ئەقسا و نوێژخوێنانی فەلەستینیی شەمەزار کرد
بە پێی راپۆرتی ئیرنا ، سەعید خەتیبزادە وتەبێژی وەزارەتی دەرەوەی ئێران ، رۆژی شەممە گوتی : ئێران پەلاماری لەشکەریانی رژێمی داگیرکەری قودس بۆسەر مزگەوتی ئەقسا یەکەم رووگەی موسوڵمانان و شەھید و بریندارکردنی نوێژخوێنانی فەلەستینی لە دوایین ھەینی مانگی پیرۆزی رەمەزان و رۆژی جیھانیی قودس بە توندی شەرمەزار دەکات .
وتەبێژی وەزارەتی دەرەوەی کۆماری ئیسلامیی ئێران وێڕای ئیدانەکردنی ئەم تاوانکاریە ئاشکرایە لە دژی مرۆڤایەتی ووێڕای سەرەخۆشیکردن لە بنەماڵەی شەھیدانی ئەم روداوە ، لە رێکخراوی نەتەوەکان و دامودەزگا نێودەوڵەتیەکانی دیکە داوا دەکات ئەرکی بەبڕشتانەی خۆیان لە ھەڵسوکەوت لە گەڵ ئەم تاوانکاریە جەنگیە بەجێبێنن .
لەشکەریانی زایۆنی ، دوینێ ھەینی ھەڵیانکوتایە سەر نوێژخوێنانی فەلەستینی و دوای داخستنی درگاکانی مزگەوتی ئەقسا ، شاڵاویان بردە سەر نوێژخوێنانی فەلەستینی .
بە پێی ئەم راپۆرتە لانیکەم 53 فەلەستینی لەم پەلامارەدا بریندار بوون .
