خۆڕاگریی ئیسلامیی عێراق ئەمڕۆ یەکشەممە ڕایگەیاند کە بە درۆن هێرشی کردۆتە سەر بنکەیەکی سەربازی لە جەولانی داگیرکراودا.

خۆڕاگریی ئیسلامیی عێراق لە بەیاننامەیەکدا ڕایگەیاند کە لە وەڵام بەو کوشت و کوشتارانەی ڕژێمی داگیرکەر دژ بە خەڵکی مەدەنی لە منداڵەوە تا ژن و بەساڵاچوو دەیکات،  بە درۆن هێرشی کردۆتە سەر بنکەیەکی سەربازی لە جەولانی داگیرکراو. لەم بەیاننامەیەدا هەروەها پێداگری کراوە لەسەر بەردەوام بوونی هەڵمەتەکانی بەشێوەیەکی ڕوو لە زیادبوون بۆ تیابردنی هەموو بنکە و مەتەرێزەکانی دوژمن. 

خۆڕاگریی ئیسلامیی عێراق ڕۆژی شەممەیش لە چوار بەیاننامەدا باسی ئەوەی کردبوو کە بە درۆن هێرشی کردۆتە سەر چوار ئامانجی سەرەکی لە جەولانی داگیرکراو و بەندەری ئومەڕەشڕاش (ئەیلات). خۆڕاگریی عێراق لە ماوەی چەن هەفتە و چەن مانگی ڕابردوویشدا ئامانجگەلێکی ستراتژی و گرینگی لە ئەیلات و جەولانی داگیرکراو پێکاوە.