دۆڕانی قورسی میسر لە فیناڵی فوتساڵی وڵاتانی عەرەبی لە بەرامبەر مەراکیش
May 30, 2021 15:30 Asia/Tehran
ھەڵبژاردەی نیشتمانیی فوتساڵی مەراکیش بە سەرکەوتنی پڕ گۆڵ لە بەرامبەر میسر بە ناسناوی پاڵەوانەتی یاریەکانی فوتساڵی وڵاتانی عەرەبی گەیشت .
فیناڵی یاریەکانی فوتساڵی وڵاتانی عەرەبی رۆژی رابردوو لە نێوان دوو ھەڵبژاردەی مەراکیش و میسر بەڕێوەچوو کە ئەم یاریە بە ئەنجامی 4 بە سفر لە بەرژەوەندیی مەراکیش کۆتایی ھات و بەمجۆرە میسر کە میوانداری ئەم خولەی یاریەکانیش بوو ، بەم شکستە قورسە لە گەیشتن بە جامی پاڵەوانەتی مایەوە .
ھەڵبژاردەی تۆپی پێی ئیماراتیش بێ بەڕێوەچوونی یاری ریزبەندیی بە حیسابکردنی خاڵە کۆکراوەکان ( 6 خاڵ ) بە ناسناوی سێھەم گەیشت و بەحرێن بوو بە چوارەم .
ھەردوو یانەی میسر و مەراکیش لە جامی جیھانیی فوتساڵ کە مانگی خەرمانان و رەزبەری ئەمساڵ بە میوانداری لیتوانی بەڕێوەدەچێ ، ئامادەن .
