عەبدوسەلام: ئەمریکا لە ئەفغانستان شکستی ھێنا
ئاب 15, 2021 21:24 Asia/Tehran
سەرۆکی شاندی دانوستانکاری دەوڵەتی ڕزگاریی نیشتیمانیی یەمەن بە بڵاو کردنەوەی توییتێک بەرامبەر بە شکست ھێنانی ئەمریکا لە ئەفغانستان کاردانەوەی پیشان دا.
«موحەممەد عەبدوسەلام» سەرۆکی شاندی دانوستانکاری دەوڵەتی ڕزگاریی نیشتیمانیی یەمەن، ڕۆژی یەکشەممە لە پەڕەی توییتێرەکەی دا نووسی: ھەر داگیرکارییەک کۆتاییەکی درێژماوەو یان کورتەماوەی دەبێت و لە ئێستادا ئەمریکا دوای بیست ساڵ داگیرکردنی ئەفغانستان شکستی چنیوەتەوەو با ئەو وڵاتانەش کە دەست درێژییان کردووەتە سەر یەمەن ئاگایان لەوە بێت.
«موحەممەد عەبدوسەلام» جەختی کرد: بەکرێگیراوانی سەربە دوژمنی سەعودی دەبێ بزانن کە پشت بەستن بە بیانی و جوڵانەوەی دژی خەڵکی خۆیی تاوانێکی کە زیان و سەرشۆڕی و شەرمەزاری نەبێ ھیچی دیکەی لێ ناکەوێتەوە.
