کاربەدەستێکی زایۆنی: مەبەست لە پەلامار بۆ سەر سووریا وشداریدان بە تورکیایە
کاربەدەستێکی پلە بەرزی زایۆنی وتی پەلامارە ئاسمانیەکانی ئەم دواییە بۆسەر ناوچە گه لێک لە ناوخۆی سووریا ، لەڕاستی دا وشداریدان بە تورکیا بووە.
کاربەدەستێکی پلە بەرزی زایۆنی وتی پەلامارە ئاسمانیەکانی ئەم دواییە بۆسەر ناوەندگەلێک لە ناوخۆی سووریا، لەڕاستی دا پەیامی وشداریدەر بە تورکیا بووە. ئەم کاربەدەستە زایۆنیە وتی ئیسرائیل لەبارەی هەر کاروکردەوەیەکی ئانکار بۆ دامەزرانی بنکەی سەربازی لە سووریا یا دەسوەردان لە ئۆپراسیۆنی سەربازی لە ئاسمانی ئەم وڵاتە هۆشداری داوە. هاوکات وەزاڕەتی دەرەوەی سووریا ڕایگەیاند کە لە پەلامارەکانی ئەم دواییەی سوپای ڕژێمی ئیسرائیل ، فڕگەی سەربازی حەما بەشێوەی گشتیی ڕۆخاوە. کەناڵی ئەلمەیادین یش لە کوژرانی ٢١کەس لە پەلامارە ئاسمانیەکانی ڕژێمی زایۆنی وپەلاماری سەربازانی ئەم ڕژێمە بۆ سەر پاریزگەی دەرعا لە باشووری سووریا هەواڵی دا. سەرچاوە هەواڵیەکان لە پەلاماری فڕۆکە شەڕکەرەکانی ڕژێمی زایۆنی بۆسەر دەمیشق وفڕگەی " تی فور"ی حومس فڕگەی سەربازی حەما ، هەواڵیان دا. هەروەها سەرچاوەیەکی خۆجیی ڕاپۆرتی دا کە شەوی ڕابردوو دوای پەلاماری سەربازانی زایۆنی بۆ سەر شاری " نوی" هەڵکەوتوو لە گردوپەڕی ڕۆژئاوای دەرعا ، ١١ کەس لە خەڵکی ئەم شارە لە ڕەوتی بەربەرەکانێ لەگەڵ ئەم سەربازانە کوژران . بڕێک لە میدیا خۆجییەکان لە هاتنی لانی کەم ٤٠٠ سەربازی زایۆنی بۆپارێزگاکانی دەرعا هەواڵیان دا. دەسەڵاتدارانی تازەی دەمیشق بە سەرکردایەتی جۆلانی هەتا ئێستاکە لە بەرامبەر دەستدرێژکاریە بەردەوامەکانی سوپای داگیرکەری ئیسرائیل بۆ سەر سووریا بێ دەنگەیان کردووە هەربەم هۆیەوە لە زۆربەی ناوچەکانی سووریا خەڵکی خۆجیی لەگەڵ دەستدرێژکریەکانی زایۆنی بەربەرەکانێ ئەکەن ولەم پێناوەدا مزگەوتی دەرعای سووریا یش بۆ بەرنگاربوونەوەی سەربازانی زایۆنی ئامادەیی ڕاگەیاند.
