شەڕی سەختی پەکەکە و تورکیا لەگوندی کێستە
شەوی ڕابردوو شەڕو پێکدادانێکی سەخت لەگوندی کێستە لەنێوان سوپای تورکیاو ھێزەکانی پەکەکە ڕوویداو تورکیا قورسترین چەکەکانی خۆی بەکارهێناوە.
بەگوێرەی ھەواڵێکی شارپرێس ، شەوی ڕابردوو لەگوندی کێستە شەڕێکی سەخت لەنێوان تورکیاو پەکەکە بەڕێوەچووە، کە تیایدا تورکیا ناچاربووە کۆپتەری شەڕکەر بەکاربهێنێت.
بە پێی ھەواڵەکە ، تورکیا بەچڕیی بۆردوومانی ڕەزو باخەکانی گوندەکەی کردوەو یەکەمجارە بەوشێوە بەرچاوە کۆپتەری شەڕکەر بەکاربهێنێت.
هەرچەندە تائێستا قەبارەی زیانەکانی هێرشەکەی شەوی ڕابردووی تورکیا نەزانراوە، بەڵام وەک سەرچاوەکەی شارپرێس وتی:"ھێزەکای تورکیا ناچار بەپاشەکشە کراون".
بیانووی تورکیا بۆ شەڕ و ھەڵمەتی سەربازیی لە باکووری عێراق ئامادەبوونی ھێزەکانی پەکەکەیە و تا ئێستا ھەزەکانی تا 50 کیلۆمەتریی خاکی عێراق پێشڕەوییان کردووە و چەندنی بنکەی سەربازیی لە خاکی عێراق داناوە .
ئەم ھەنگاوانەی تورکیا لە ھەمان کات دا رووبەڕووی ناڕەزایەتیی توندی کاربەدەستانی عێراقی بووەتەوە لە گەڵ ئەوەدا کە ئەوان لە پەکەکەشیان ویستووە خاکی عێراق لە دژی تورکیا دەکارنەھێنێ .
