نۆیەمین فڕۆکەی هاوکاریی مرۆڤیی ئێران گەییشتە شاری حەڵەب
شوبات 17, 2023 13:10 Asia/Tehran
نۆیەمین فڕۆکەی هاوکاریی مرۆڤیی ئێران لە فڕۆکەخانەی حەڵەبی سوریا نیشتەوە.
بەگوێرەی ڕاپۆرتی هەواڵدەریی ڕادیۆو تەلەفزیۆنی ئێران، نۆیەمین فڕۆکەی فریاگوزاریی مرۆڤیی ئێران بە ١٢تۆن خۆراکەوە بۆ یارمەتیدانی ئەو کەسانەی بەهۆی بوومەلەرزەکەی شاری حەڵەبەوە زیانیان بەرکەوتووە، گەییشتە ئەم شارەی سووریا.
بومەلەرزەکەی حەلەب ٥٤ باڵەخانەی ئەم شارە بە تەواوی تێکڕووخاندووەو ٥٠٠ کەسیش گیانیان لەدەست داوەو ژمارەیەکی زۆری هاوڵاتیش برینداربوونە کە ٧٥٠ کەسیان لە نەخۆشخانە خەوێندراون.
شەوی ڕابردووش هەشتەمین فڕۆکەی هەڵگری ٢٠ تۆن هاوکاریی مرۆڤی ئێران گەییشتە شاری حەڵەب.
تا ئێستا ٢٦ وڵاتی جیهان بەبێ گوێدانە سزاکانی ئەمریکا هاوکارییەکانیان لە شێوەی ١٣٠ فڕۆکە بۆ ئەو کەسانە ناردووە کە بەهۆی بوومەلەرزەکەی سوریاوە زیانیان بەرکەوتووە.
