SAHAR

ئەمڕۆ دەیان هەزار فەلەستینی نوێژی هەینی خۆیان لە مزگەوتی ئەقسا بەجێ ھێنا.

بە پێی ڕاپۆرتی ئەلمەیادین، سەرەڕای هێرشەکانی ئەم دواییەی ڕژێمی زایۆنی بۆ سەر مزگەوتی ئەقسا، نوێژی هەینی ئەمڕۆ بە ئامادەبوونی هەزاران فەلەستینی لە مزگەوتی ئەقسا، لە بارودۆخێکدا بەڕێوەچوو کە هێزەکانی زایۆنی ھەر لە بەیانییەوە بە شێوەیەکی بەرفراوان لەم ناوچەیەدا جێگیرکراون.

میدیاکانی ڕژێمی زایۆنی وایان بڵاو کردووەتەوە کە گرژی و ئاڵۆزییەکانی قودسی داگیرکراو پێش نوێژی هەینیی ئەمڕۆ پەرەی سەندو دوو هەزار و ٣٠٠ چەکداری پۆلیس لەم ناوچەیەدا مۆڵ دران.

بەپێی ئەم ڕاپۆرتە، ژمارەیەکی زۆرلە شارۆچکەنشینە زایونییەکانیش لەسەر ڕێگای «بابولحەدید» کە دەکەوێتە ناوچەی کۆنی قودسی داگیرکراو کۆبوونەتەوە.