«بن گوێر» بە دووی ئاسانکارییەوەیە بۆ وەرگرتنی مۆڵەتی چەک بۆ شارۆچکەنشینەکان
حوزه‌یران 07, 2023 21:54 Asia/Tehran
وەزیری ئاسایشی ناوخۆی ڕژێمی زایۆنی بەنیازە ئاسانکاری بۆ پرۆسەی پێدانی مۆڵەتی چەک بە شارۆچکەنشینە زایۆنییەکان بکات.
بە پێی ڕاپۆرتی هەواڵدەریی تەسنیم، "ئیتامار بن گوێر"، وەزیری ئاسایشی ناوخۆی ڕژێمی زایۆنی، بە مەبەستی ئاسانکاری بۆ ڕەوتی پێدانی مۆڵەتی چەک بە شارۆچکەنشینە زایۆنییەکان، نیازی خۆی بۆ پێشکەشکردنی پلانێک بۆ کنێست ڕاگەیاند.
بەگوێرەی ئەم ڕاپۆرتە، پێدەچێت ئەو پلانەی «بن گوێر» پێشنیاری کردووە، ئاسانکاری بۆ پێدانی مۆڵەتی چەک بە دەیان هەزار شارۆچکەنشینی دیکە بێت.
لە ئێستادا زیاتر لە ١٥٠ هەزار دانیشتووی ناوچە داگیرکراوەکان سەرکەوتوو بوون لە بەدەستهێنانی مۆڵەتی هەڵگرتنی چەک بە مەبەستی ڕووبەڕووبوونەوەی بەرخۆدانی فەلەستین.
