کاروان ھاوپەیمانیی ئەمریکا لە باشووری عێراق کرایە ئامانج
ته‌مووز 06, 2021 16:10 Asia/Tehran
کاروانێکی پشتیوانیی ئەمریکی لە پارێزگای دیوانیە لە باشووری عێراق کرایە ئامانجی بۆمبایەکی تەنیشت جاددە.
بە پێی ڕاپۆرتی کەناڵی تەلەگرامیی «سابرین نیوز» کاروانێکی پێداویستییەکانی ھاوپەیمانیی ئەمریکی کە لە ڕێگای خاکی کوێتەوە کەل و پەلی بۆ لەشکریانی ئەمریکی لەنێو خاکی عێراق دەگواستەوە، نیوەڕۆی ئەمڕۆ سێ شەممە لە پارێزگای دیوانیە کەوتە بەر ئامانجی بۆمبایەکی تەنیشت جاددە.
بە پێی ئەم ڕاپۆرتە، ئەم تەقینەوەیە زیانی گیانیی بەدواوە نەبووەو ھێشتا ھیچ دەستەیەک بەرپرسایەتیی ئەو ھێرشەی نەگرتووەتە ئەستۆ.
ڕۆژی ڕابردووش کاروانێکی پێداویستییەکانی لەشکریانی ئەمریکی بە ھۆی بۆمبایەکی تەنیشت جاددە لە ناوچەی «سەریعولشوعلە» ھەڵکەوتوو لە پارێزگای بەغدا کرایە ئامانج.
