SAHAR

سەرچاوە میدیاییەکان باسی گیرانی سیخوڕێکی گرینگی تیرۆریستانی داعشیان کردووە لە لایەن ھێزە ھەواڵگرییەکانی عێراقەوە.

بە پێی نووسینی ڕۆژنامەی لوبنانیی ئەلنەھار، بەشی میدیای ئاسایشتیی عێراق ئەمڕۆ چوارشەممە ڕایگەیاند: دوابەدوای ئەنجام دانی ھەڵمەتێک بۆ گرتنی بەرماوەی تیرۆریستانی داعش لە لایەن ھێزە ئاسایشتی و ھەواڵگرییەکانی عێراق و سەرکردایەتیی ئۆپراسیۆنی سامەڕە ئەم سیخوڕە لە ناوچەی «بەلەد» لە پارێزگای «سەلاحەددین» قۆڵبەست کرا.

بە پێی ئەم ڕاپۆرتە ئەم تیرۆریستە زانیاریی ھێزەکانی ئاسایشتی عێراق لە سەلاحەددین و ھاوکارەکانیانی دەخستە بەر دەستی داعش.

بە وتەی سەرچاوە سەربازییەکان، ئەو سیخوڕانەی کە دەبوونە ئەندامی تاقمی تیرۆریستیی داعش ڕۆڵێکی گرینگیان لە ئاراستەی زەبر وەشاندن لە کاربەدەستان و جێ و شوێنی سەربازیی سوپای عێراق گێڕاوە.